Mir

Damals in der goudn aldn Zeid, in der der Kärwabaum noch im "Summmers-Huuf" affgdelld worn is und die Kärwasbiele wäi Broodworschdschnabbn, Sagghübf'n und der gleichn woarn, dou is alles rund um die Kärwa vo die Aldn organisierd worn. Ausgwachsne Mannsbilder woarn des, die Kärwaboum und sän se heid no. Kärwamadli had ma da nun ned kennd und a die Rotzlöffl sän a Erfindung vo der heidign Zeid. Wäi mir denk'n a goude Erfindung. Wall a su kenner die klanner Bimpbfn (ab 5 Jährli) agdiv in die Dradidsioner nei schmeggn (Kinder-Kärwabam afsdelln und su), Sbass an der Brauchdumspfleech findn und so wärd die Dradidsion der Kärwaboum hoffendlich no lange erhaldn bleim.

Ab 16 bisd dann bei die "großn" dabei! Kärwabou odder -madli sei is fei ded blouß korz vuur der Kärwa. 'S ganze Joar ieber gibds Ausflüüch und Dreffn. Ogfnager beim Faschinsball, dem Kärwaboum-Schifoarn, Bürcherfest über Riesnschniddslmambfn, Kanufoarn, Rafdn, Laffn bi hi zu Kinderausflüch und Beech Baddy is alles dabei. Haubdsach es machd Spass!

Gmüdlich und lusdich gäids zu bei uns - ieberzeichd eich hald einfach selbsd! Mir dreffn Sie eigendlich iebers ganze Joahr ieber mindesdns a mol im Monad zur Kärwaboumversammlung (korz KBV). Die Versammlungsdermine finds aff der Seidn hier!

Wer mied machn will kann einfach aff einer der nächsdn Versammlunger vorbei kummer, mit am Bekanndn vo die Kärwaboum und -madlo waafn  oder er plaudert einfach mit'm Capo Markus Staufer (0172/8815690).